LIC बीमा सखी योजना महिलांना दरमहा ७ हजार रुपये मिळवण्याची संधी LIC बीमा सखी योजना नक्की काय आहे, यात महिलांना किती पैसे मिळतात, पात्रता काय आहे, कोणाला अर्ज करता येत नाही, कोणती कागदपत्रे लागतात, ऑनलाईन अर्ज कसा भरायचा, आणि अर्ज केल्यावर पुढे काय होते हे सगळे एकत्र आणि सविस्तर.
LIC म्हणजे Life Insurance Corporation of India ही भारत सरकारची सगळ्यात मोठी विमा कंपनी. LIC ने महिलांसाठी एक विशेष योजना सुरू केली आहे जिचे नाव आहे LIC बीमा सखी योजना. या योजनेला MCA Scheme म्हणजे Mahila Career Agent Scheme असेही म्हणतात. ही योजना फक्त आणि फक्त महिलांसाठी आहे पुरुष अर्ज करू शकत नाहीत. या योजनेत महिलांना LIC च्या विमा पॉलिसी विकण्याचे काम करायचे असते. त्याबदल्यात त्यांना दर महिना एक ठराविक रक्कम म्हणजे Stipend मिळतो. हे काम तीन वर्षांसाठी आहे. या तीन वर्षांत दरमहा पैसे मिळतात, पण रक्कम प्रत्येक वर्षी बदलते. पहिल्या वर्षी सात हजार रुपये दरमहा, दुसऱ्या वर्षी सहा हजार रुपये दरमहा, आणि तिसऱ्या वर्षी पाच हजार रुपये दरमहा. याशिवाय पॉलिसी विकल्यावर Commission आणि Bonus सुद्धा वेगळा मिळतो. हे काम नोकरी नाही Contract basis वर आहे. म्हणजे तुम्ही LIC चे कायमस्वरूपी कर्मचारी नसता, पण तीन वर्षे LIC च्या वतीने काम करता. या योजनेसाठी अर्ज सुरू झाले आहेत त्यामुळे पात्र महिलांनी लवकरात लवकर अर्ज करायला हवा.
किती पैसे मिळतात तपशीलवार माहिती
बीमा सखी योजनेत तीन वर्षे Stipend मिळतो. पहिल्या वर्षी दरमहा ७ हजार रुपये मिळतात. म्हणजे पहिल्या वर्षात एकूण ८४ हजार रुपये Stipend मिळतो. दुसऱ्या वर्षी दरमहा ६ हजार रुपये मिळतात. म्हणजे दुसऱ्या वर्षात एकूण ७२ हजार. तिसऱ्या वर्षी दरमहा ५ हजार रुपये मिळतात. म्हणजे तिसऱ्या वर्षात एकूण ६० हजार. तीन वर्षांत एकूण Stipend म्हणजे दोन लाख सोळा हजार रुपये मिळतात. पण हे Stipend मिळण्यासाठी एक अट आहे दर वर्षी ठराविक संख्येने पॉलिसी विकायला हव्यात. पहिल्या वर्षी वार्षिक २४ पॉलिसी म्हणजे दरमहा किमान दोन पॉलिसी विकायला हव्यात. दुसऱ्या आणि तिसऱ्या वर्षी त्या २४ पैकी किमान ६५% म्हणजे साधारण १६ पॉलिसी टिकून असणे आवश्यक आहे. हे टार्गेट पूर्ण केले तरच Stipend मिळत राहतो. याशिवाय पहिल्या वर्षी २४ पॉलिसी पूर्ण केल्यास ४८ हजार रुपयांचा अतिरिक्त Bonus मिळतो. म्हणजे एकूण मिळकत खूपच चांगली होऊ शकते.
पात्रता कोणाला अर्ज करता येतो?
या योजनेसाठी पात्र होण्यासाठी काही अटी पूर्ण असणे आवश्यक आहे. सगळ्यात आधी फक्त महिलाच अर्ज करू शकतात. वय किमान १८ वर्षे आणि जास्तीत जास्त ७० वर्षे असणे आवश्यक आहे. शैक्षणिक पात्रता किमान दहावी पास असणे बंधनकारक आहे. कमी शिक्षण असेल तर अर्ज पात्र ठरणार नाही. अर्जदाराने माहिती अचूक आणि पूर्ण द्यायची आहे चुकीची किंवा अपूर्ण माहिती दिल्यास अर्ज रद्द केला जाईल.
कोणाला अर्ज करता येत नाही?
काही महिला या योजनेसाठी पात्र नाहीत हे आधीच समऑगस्ट घेणे गरजेचे आहे. जर तुमच्या कुटुंबात आधीपासूनच LIC Agent किंवा LIC Employee आहे म्हणजे पती, मुले, सावत्र मुले, दत्तक मुले तर त्या महिला अर्ज करू शकत नाहीत. म्हणजे विद्यमान LIC Agent किंवा Employee यांच्या नातेवाईक महिला या योजनेसाठी अपात्र आहेत. याशिवाय LIC चे माजी कर्मचारी म्हणजे Retired Employees आणि माजी Agent म्हणजे Ex-Agents हे सुद्धा या योजनेसाठी अर्ज करू शकत नाहीत. त्यांना वेगळ्या योजनेत भाग घेण्याची संधी असू शकते, पण बीमा सखी योजनेत त्यांना स्थान नाही.
कागदपत्रे काय काय लागतील?
अर्ज केल्यावर आणि निवड झाल्यावर काही कागदपत्रे सादर करायची आहेत. वयाचा पुरावा म्हणजे Age Proof यासाठी आधार कार्ड द्यायचे, स्वतः सही केलेली म्हणजे Self Attested झेरॉक्स द्यायची. पत्त्याचा पुरावा म्हणजे Address Proof यासाठी सुद्धा आधार कार्डची Self Attested झेरॉक्स द्यायची. शैक्षणिक प्रमाणपत्र म्हणजे दहावी पास सर्टिफिकेट द्यायचे. पासपोर्ट साईज फोटो द्यायचा हा अर्जासोबत अपलोड करायचा असतो. ही कागदपत्रे निवड झाल्यावर LIC Branch ला द्यायची असतात अर्जाच्या वेळेस फक्त फोटो लागतो.
ऑनलाईन अर्ज कसा करायचा संपूर्ण प्रक्रिया
अर्ज करण्यासाठी licindia.in/s/LICSBimasakhi या अधिकृत LIC वेबसाईटवर जायचे. पहिल्या पानावर LIC बीमा सखी भरतीची माहिती दिसेल. “Click here for BimaShakhi” या लिंकवर क्लिक करायचे. नवीन पान उघडेल जिथे अर्जाचा फॉर्म आहे. फॉर्ममध्ये सगळ्यात आधी पूर्ण नाव टाकायचे आधार कार्डावर जसे आहे तसेच. जन्मतारीख टाकायची आधार कार्डावरील तारखेनुसार. मोबाईल नंबर टाकायचा जो नंबर चालू आहे आणि तुम्ही वापरता तो. ईऑगस्टल आयडी टाकायचा. पत्ता भरायचा Address Line 1 आणि Address Line 2 अशा दोन बॉक्समध्ये संपूर्ण पत्ता टाकायचा. तालुका आणि पिनकोड टाकायचे. त्यानंतर एक प्रश्न येतो तुम्ही LIC चे Agent आहात का किंवा Employee आहात का इथे “No” निवडायचे. Captcha कोड टाकायचा जे अक्षर आणि नंबर दिसतात ते अचूक टाकायचे. “Submit” बटणावर क्लिक करायचे.
Submit केल्यावर राज्य आणि शहर निवडणे
Submit केल्यावर पुढचे पान उघडते. इथे State निवडायचे महाराष्ट्र निवडायचे. त्यानंतर “Click for City” बटणावर क्लिक करायचे. तुम्ही कोणत्या शहरात काम करायला इच्छुक आहात ते शहर निवडायचे शक्यतो तुम्ही राहता त्या शहराजवळचे शहर निवडा. शहर निवडल्यावर “Click for Branch List” वर क्लिक करायचे. LIC च्या Branch ची यादी येईल यातून किमान एक आणि जास्तीत जास्त तीन Branch निवडायच्या आहेत. जवळच्या Branch निवडल्यास काम करणे सोयीचे जाते. Branch निवडल्यावर “Submit Lead Form” वर क्लिक करायचे. Submit झाल्यावर “Thank you for your interest Our representative will contact you shortly” असा संदेश येतो. म्हणजे तुमचा अर्ज यशस्वीरित्या सादर झाला.
अर्ज केल्यावर पुढे काय होते?
अर्ज सादर झाल्यावर काही दिवसांत LIC च्या Branch कडून तुम्हाला फोन येतो. त्या कॉलवर बीमा सखी योजनेची संपूर्ण माहिती सांगितली जाते. निवड प्रक्रियेबद्दल सांगितले जाते. त्यानंतर Training चे वेळापत्रक सांगितले जाते. कागदपत्रे कधी आणि कुठे द्यायची ते सांगितले जाते. LIC कडून तुमच्याकडून एक रुपयाही घेतला जात नाही ही गोष्ट कायम लक्षात ठेवा. जर कोणी फोन करून पैसे मागत असेल किंवा फी भरायला सांगत असेल, तर तो fraud कॉल आहे असल्या कॉलला बळी पडू नका. LIC चे अधिकृत प्रतिनिधी कधीही पैसे मागत नाहीत.
या योजनेत काम करणे म्हणजे नक्की काय?
बीमा सखी म्हणून निवड झाल्यावर तुम्हाला LIC च्या विमा पॉलिसी विकायच्या असतात. तुम्ही तुमच्या परिचयातील, गावातील, ओळखीच्या लोकांना LIC च्या योजना समजावून सांगता आणि त्यांना पॉलिसी घेण्यास प्रोत्साहित करता. ज्या पॉलिसी तुम्ही विकता त्यावर Commission मिळते. वार्षिक लक्ष्य पूर्ण केल्यावर Bonus मिळतो. दरमहा Stipend मिळतो. हे काम तुम्ही घरी राहून सुद्धा करू शकता कुठेही जाण्याची सक्ती नाही. तुमच्या परिसरातच काम करायचे असते. महिलांसाठी हे काम खूपच सोयीचे आहे कारण घरातील जबाबदाऱ्या सांभाळत सुद्धा हे करता येते.
एक महत्त्वाची सूचना Fraud पासून सावध राहा
अनेक वेळेस अशा भरतींच्या नावाखाली Fraud होतात. LIC बीमा सखी योजनेसाठी कोणतेही शुल्क नाही. Registration fee नाही, Training fee नाही, कोणतीही Fee नाही. जर कोणी तुम्हाला सांगत असेल की “अर्ज करण्यासाठी ५०० रुपये भरा” किंवा “Training साठी पैसे द्या” तर हे Fraud आहे. असे कोणी सांगत असेल तर त्यांच्याशी व्यवहार करू नका. फक्त LIC च्या अधिकृत वेबसाईटवरूनच अर्ज करा. बनावट वेबसाईटपासून सावध राहा.
शेवटचे ही संधी सोडू नका
LIC बीमा सखी योजना महिलांसाठी एक चांगली संधी आहे. दहावी पास असलेल्या, वय १८ ते ७० वर्षे असलेल्या कोणत्याही महिलेला हे करता येते. Stipend मिळतो, Commission मिळते, Bonus मिळतो आणि तीन वर्षांत स्वतःचा करिअर तयार होतो. LIC चे नाव असल्यामुळे लोकांचा विश्वास सहज मिळतो. ग्रामीण भागातील महिलांसाठी हे विशेषतः फायदेशीर आहे कारण गावात LIC पॉलिसींची मागणी खूप आहे. LIC च्या अधिकृत वेबसाईटवर जाऊन आजच अर्ज करा आणि ही संधी साधा.
LIC बीमा सखी योजना – वारंवार विचारले जाणारे प्रश्न (Q&A)
Q1. LIC बीमा सखी योजना म्हणजे काय?
उत्तर: LIC बीमा सखी योजना ही महिलांसाठी सुरू करण्यात आलेली विशेष योजना आहे. या योजनेत महिलांना महिला करिअर एजंट (MCA) म्हणून काम करण्याची संधी मिळते. कामगिरीनुसार तीन वर्षे स्टायपेंड, कमिशन आणि बोनस मिळू शकतो.
Q2. या योजनेत दरमहा किती स्टायपेंड मिळतो?
उत्तर:
पहिले वर्ष – ₹7,000 प्रति महिना
दुसरे वर्ष – ₹6,000 प्रति महिना
तिसरे वर्ष – ₹5,000 प्रति महिना
Q3. या योजनेसाठी कोण अर्ज करू शकते?
उत्तर: 18 ते 70 वर्षे वयोगटातील, किमान दहावी उत्तीर्ण महिला या योजनेसाठी अर्ज करू शकतात.
Q4. ही कायमस्वरूपी सरकारी नोकरी आहे का?
उत्तर: नाही. ही कायमस्वरूपी सरकारी किंवा एलआयसीची पगाराची नोकरी नाही. ही करार (Contract) स्वरूपातील संधी आहे.
Q5. बीमा सखीचे मुख्य काम काय असते?
उत्तर: एलआयसीच्या विमा पॉलिसी ग्राहकांना समजावून सांगणे, नवीन ग्राहक जोडणे आणि विमा पॉलिसी पूर्ण करून देणे.
Q6. बोनस मिळण्यासाठी कोणती अट आहे?
उत्तर: पहिल्या वर्षात किमान 24 विमा पॉलिसी पूर्ण केल्यास ₹48,000 पर्यंत बोनस मिळू शकतो.
Q7. दुसऱ्या आणि तिसऱ्या वर्षी स्टायपेंड मिळण्यासाठी काय अट आहे?
उत्तर: एलआयसीने ठरवलेल्या कामगिरीनुसार किमान 65% पॉलिसी सक्रिय (Persistency) असणे आवश्यक आहे.
Q8. या योजनेसाठी कोणती कागदपत्रे लागतात?
उत्तर:
आधार कार्ड
दहावीचे प्रमाणपत्र
पासपोर्ट आकाराचा फोटो
पत्त्याचा पुरावा
स्वाक्षरी केलेल्या (Self Attested) कागदपत्रांच्या प्रती
Q9. कोण अर्ज करू शकत नाही?
उत्तर: सध्याचे एलआयसी एजंट, एलआयसी कर्मचारी, त्यांचे जवळचे नातेवाईक, निवृत्त एलआयसी कर्मचारी आणि माजी एलआयसी एजंट या योजनेसाठी पात्र नाहीत.
Q10. अर्ज कसा करायचा?
उत्तर: एलआयसीच्या अधिकृत वेबसाइटवर जाऊन Bima Sakhi अर्ज फॉर्म भरावा. त्यामध्ये नाव, जन्मतारीख, मोबाईल क्रमांक, ई-ऑगस्टल, पत्ता, राज्य, शहर आणि एलआयसी शाखा निवडून अर्ज सबमिट करावा.
